Segundo o PSOE, o equipo de goberno do Partido Popular está impedindo a participación política no Concello, ao levar 3 meses sen celebrar un Pleno da corporación.

Celestino Rodríguez criticou que “o PP, co beneplácito de Carlos Armesto, está obstaculizando a labor da oposición e discriminando aos veciños que nos votaron para defender e dar voz ás súas demandas.” Os socialistas esixen a convocatoria inmediata de pleno.

Tamén denuncian os sociallistas, que no concello se fan arranxos en fincas privadas “para conseguir votos dun xeito clientelar e caciquil” e que o superávit de máis de 400.000 euros do concello é produto da subida do IBI, taxas e todo tipo de impostos aos veciños e a ausencia de investimentos por parte do equipo de goberno. “Esta é a política que defende o PP, facer actuacións para os seus amigos co esforzo de todos os cidadáns” censura Rodríguez.