InicioPolíticaFacer de Chantada, Carballedo e Taboada un único ente municipal?

Facer de Chantada, Carballedo e Taboada un único ente municipal?

Por Chantada CUP presenta “Unha alternativa integral por Chantada”, o seu programa para as eleccións municipais, que vén de ser aprobado en asemblea. O programa é resultado dun proceso participativo de máis dun cento de militantes e simpatizantes, “cun volume de achegas e participación sen precedentes na política local”, sinalan.

Publicado o

- Advertisement -

Do programa, Por Chantada, destaca como principais medidas as seguintes:

  • Promover a fusión dos concellos de Chantada, Carballedo e Taboada cun referendo para a converxencia dos tres concellos nun único ente municipal. Segundo Por Chantada, o novo concello por poboación e incentivos fiscais derivados da fusión, tería maior capacidade económica para a mellora de servizos e o mantemento de infraestruturas.
  • Peonalización integral do casco histórico 
  • Rebaixa do IBI através de bonificacións de até 90%, declarando o sector primario de importancia estratéxica
  • Impulsar o Polígono dos Acrivros centrándose na transformación de produtos da alimentación.
  • Demandar o saneamento e ampliación da N-540
  • Estabelecer unha taxa municipal nas instalacións de transporte de enerxía e outras medidas fiscais para financiar un Plano de emerxencia social. Asinar o convenio da FEGAMP para garantir a luz e o gas nos fogares en risco de exclusión.
  • Creación dun viveiro de empresas para a mocidade residente no Concello.
  • Determinar a propiedade do SAREB na Praza de Santa Ana.
  • Creación dunha Concellaría de Igualdade, non compartida, e unha Comisión de Igualdade participada pola concelleira, persoal do CIM, persoal de Servizos Sociais, as restantes concellerías e persoal ao servizo do Concello para a elaboración do Plan estrutural de funcionamento orgánico do Concello de acordo coa perspectiva de xénero.
  • Dinamizar a Praza de Abastos, creando un mercado de produtos locais e ecolóxicos.
  • Exixir a execución dunha nova depuradora
  • Elaboración dunha Estratexia local para o patrimonio e o turismo 2020-2030, con atención á dinamización do turismo cultural, de natureza e o enoturismo en colaboración cos axentes públicos e privados
  • Creación dunha nova Biblioteca e Arquivo municipais nun lugar axeitado e accesíbel.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...