HomesociedadeUnha moción do BNG de Monforte deu pé á vitoria xudicial fronte...

Unha moción do BNG de Monforte deu pé á vitoria xudicial fronte a Aqualia

Os nacionalistas celebran a recente sentenza que vén de gañar o concello de Monforte, xa que foi unha moción deste grupo municipal a que deu pé a esta vitoria xudicial .

Publicado o

- Advertisement -

O BNG de Monforte considera xusta esta vitoria xudicial do concello de Monforte fronte a Auqualia e asegura que sinte especial satisfacción ao ser froito dunha moción presentada polo grupo municipal nacionalista a que deu lugar ao acordo da corporación que significou o principio desta “historia xudicial con final feliz para as arcas do consistorio monfortino, e polo tanto para todos os seus habitantes.”

A loita xudicial do concello monfortino comeza coa presentación dunha moción do BNG na que se pedía que Aqualia asumise os custos da renovación das infraestruturas das que era concesionaria nas rúas monfortinas da Corredoira, Irmáns da Pena é José de Garabantes, que deu lugar a diferentes debates e ao acordo, xa no 2018 no que o concello iniciaba as accións xudiciais.

“As administracións deben protexer de maneira especial o que é de todos, este é un caso máis onde se ve que o traballo dende a oposición dá froitos, aínda que haxa que lamentar a lentitude do sistema xudicial, cos trastornos que iso xera para particulares e administracións “, expuxo Sánchez.

Ao tempo que lembrou que este acordo é o exemplo de que hai que “escoitar á oposición porque xuntos somos máis fortes e sentenzas como esta certifícano.”

ÚLTIMAS

Foliada Guímara este venres en Fornelas

As Foliadas Guímaras son unha iniciativa do Concello da Pobra do Brollón co obxectivo...

Oferta pública de ciclos para o novo curso no IES A Pinguela

O IES A Pinguela informa estas semanas da oferta de ciclos para o vindeiro...

Ciberseguridade e delitos informáticos, temas centrais das Xornadas Xurídicas de Sarria

Este mércores 12 de xuño celebrábase a inauguración das XVII Xornadas Xurídicas Román García...

‘Patacón de Abadía’, tapa gañadora do Chantapas 2024

Tras tres días de Chantapas, desde o venres 7 ao domingo 9 de xuño,...