En Galicia as Olimpíadas de Física tiveron lugar o día 5 de marzo, venres, e foron realizadas de xeito telemático. Cada alumno e alumna que se presentou tiña 20 minutos  para resolver cada un dos problemas que se lle formularon. Deberon responder unha serie de cuestións relacionadas coa Física, coa termodinámica, a cuántica, a relatividade, a mecánica, o electromagnetismo, etc… Unha vez resoltas tiñan que ser enviadas nun curto espazo de tempo para seren avaliadas.
 
 O próximo paso serán as probas nacionais, onde concorrerán outros estudantes de toda a xeografía nacional. Os que superen esa fase poderán participar na Olimpíada Iberoamericana de Física e a International Physic Olympiad.
 
A dirección do IES Río Cabe quere darlle os parabéns ó alumno Brais Rodríguez Rodríguez e ó Profesor de Física, Juan Redondo Ameijeiras.