Unha persoa faleceu na tarde deste xoves ao caerlle unha árbore encima nunha leira situada no lugar de Laxa, na parroquia de Cartelos, no municipio lucense de Carballedo.

Segundo informou o CIAE 112 Galicia, foi un particular o que avisou do suceso sobre as 17,25 horas, momento no que se mobilizou ao 061-Urxencias Sanitarias, que enviou ao lugar ao helicóptero medicalizado con base en Ourense. Ademais, o persoal do 112 Galicia tamén avisou á Garda Civil e a Protección Civil.

Unha vez na finca, os servizos sanitarios non puideron facer nada por salvar a vida da persoa falecida.