As relacións diplomáticas e comerciais entre España e Xapón remóntanse ao ano 1868 cando se firmou o “Tratado da Amizade, Comercio e da Navegación”. Unha relación cada vez máis estreita e dinámica que este ano celebra 150 anos.
Para conmemorar tan célebre data, o Alcalde de Monforte viaxará ata Ponferrada onde será recibido pola súa alcaldesa,Gloria Fernández, e posteriormente descubrirán unha praca conmemorativa de plantación de cerdeiras xaponesas na ladeira do Castelo de Ponferrada.
Posteriormente,ao redor das 11:00 horas, unha expedición nipona acompañada polos mandatarios, percorrerá un tramo do Camiño de Inverno co obxectivo de promocionar esta ruta de peregrinación no país asiático e da que a Asociación Camino de Invierno por Ribeira Sacra dá boa conta dela.
