HomeEconomíaEmpresarios de Chantada reimpulsan os seus negocios nunhas xornadas de mentoring

Empresarios de Chantada reimpulsan os seus negocios nunhas xornadas de mentoring

Reimpulsa Chantada é unha iniciativa da Asociación de Empresarios de Chantada a través da que comerciantes e emprendedores reciben sesións de mentoring grupal.

Publicado o

- Advertisement -

A Deputada de Cultura, Pilar García Porto, xunto aos directivos da Asociación de Empresarios de Chantada, Néstor Quiroga e Leticia Díaz, mantiveron un encontro en Chantada  con preto de 15 empresarios e autónomos que están a participar nas xornadas de coaching Reimpulsa Chantada, para potenciar os seus negocios.

O programa comezou no 2018 e ten como obxectivo que empresarios e autónomos aprendan a xestionar mellor as súas empresas acadando novas metas e compartindo a súa experiencia co grupo. Baixo a dirección do mentor Alejandro Ferreiro, abordan diferentes temáticas como: xestionar mellor o tempo e a toma de decisións, crear marca e dar más visibilidade a un negocio ou vender máis e mellor. Os participantes tamén aprenden a facer unha planificación anual por obxectivos, a levar un control real dos custes do negocio, a xestionar equipos de traballo e a crear unha rede de contactos.

Xornadas Reimpulse Chantada

As xornadas de coaching ‘Reimpulse Chantada’ realízanse no local da Asociación de Empresarios de Chantada ás 21:00 horas.Trátase dunha actividade de mentoring grupal, unha metodoloxía que axuda a mellorar os puntos clave dos negocios e a acelerar os resultados a medio e longo prazo, apoiándose no traballo de grupo.

Na primeira parte da reunión móstranse e explícanse novos conceptos, técnicas e casos prácticos; na segunda parte vanse resolvendo as dúbidas de cada caso. Coa posta en común e a resolución de dúbidas en grupo, conséguese que os resultados sexan mais relevantes, mellorándoos tanto a nivel individual como colectivo.

O encargado de impartir as xornadas, Alberto Ferreiro, é empresario, conferenciante, mentor e formador de autónomos e empresarios e conta con máis de 15 anos de experiencia no mundo dos negocios. Ferreiro é especialista na metodoloxía de mentoring grupal, que ten como finalidade que as persoas empresarias poidan dirixir seus negocios con bos resultados económicos, ao mesmo tempo que desfrutan con total liberdade do seu tempo libre.

ÚLTIMAS

O PP de Monforte non participará nos actos municipais do 25N

Os concelleiros do Grupo Municipal do PP de Monforte anuncian que non participarán nos...

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...