HomesociedadeEncontro de Xeopícaros Montañas do Courel.

Encontro de Xeopícaros Montañas do Courel.

200 rapaces participan este luns, día 3, no encontro de xeopícaros Montañas do Courel, actividade que forma parte da Semana dos Xeoparques Europeos, na que por primeira vez participa o Xeoparque Mundial UNESCO Montañas do Courel cun amplo programa de actividades dende o pasado 25 de maio ate o 9 de xuño.

Publicado o

A cita dos 200 xeopícaros desenvólvese esta mañá no miradoiro de Campodola-Leixazós. Unhas das liñas de actuación dos Xeoparques Mundial da UNESCO está no ámbito educativo. Educar e formar as xeracións futuras sobre os recursos cos que conta o territorio, ademais de servir de punto de encontro e convivencia de todos os escolares do territorio Montañas do Courel, son os obxectivos que se perseguen con este Encontro dos Xeopícaros..
 
Está previsto que cada ano se elixa un dos Lugares de Interese Xeolóxico que forman parte do Xeoparque Mundial da UNESCO Montañas do Courel. Este ano, o emprazamento elixido é o Miradoiro de Campodola-Leixazós, xa que este lugar foi o inicio dunha longa viaxe de posta en valor do pratrimonio xeolóxico no territorio,  que culminou o pasado 11 de abril co recoñecemento da UNESCO como Xeoparque Mundial para as Montañas do Courel.
 
Ademais de facer unha fotografía para conmemorar o encontro, os mais de 200 escolares que asisten ao mesmo, reciben explicacións do Xeológo do Xeoparque, Xosé Carlos Barros Lorenzo sobre o Pregamento Tumbado do Sinclinal do Courel, e realizan un percorrido entre as aldeas de Campodola e Leixazós.
 
Máis información sobre o programa da Semana dos Xeoparques Europeos na páxina http://www.courelmountains.es
Cartel

ÚLTIMAS

Máis dun cento de persoas asisten á proxección de Reboiras en Monforte

Ao remate da proxección tivo lugar un coloquio no que interviron dous militantes da...

Tomé inaugura o VII Festival do Viño da Ribeira Sacra de Monforte coa participación de 3O adegas

Aproveitando a súa intervención, Tomé anunciou que a Deputación Provincial asinará en breve un...

Remátase o muro de sostemento en Gradín para garantir a seguridade viaria en Láncara

Os traballos consistiron na execución dun novo muro de sostemento e na renovación da...

O Concello de Chantada reforza a sinalización turística do Monte Faro

Os novos sinais instalados, mencionan a igrexa de Santiago de Requeixo, a ermida de...