A artista pontevedresa, recomendada por Hermanager Producións, ofreceu aos socios, socias e simpatizantes do Círculo Saviñao un concerto baseado no seu primeiro disco “El camino de los sueños”.

A actuación quixo ser unha ‘posta de largo’ da terraza de verán, que desde esta pasada fin de semana presta xa os seus servizos, nun recuncho recollido e coidado ideal para tomar algo á fresca e gozar de actuacións en directo.

Sheila Patricia presentou tamén temas propios do que será o seu segundo disco e tamén versións da música tradicional galega e portuguesa.

Segundo palabras do presidente, Enrique Sampil, Sheila “amosouse cercana e sempre apoiada polo público, soubo engaiolar coas súas cancións aos presentes e seguramente volverá a Escairón en vindeiras ocasións”.