O Concello de Sober aprobou no pleno do día 4 de xullo a renovación do alumeado público. En total, cambiaranse 940 antigas luminarias de sodio e mercurio por lámpadas LED. As parroquias beneficiadas por esta mellora son Amandi, Doade, Lobios, Santiorxo, Brosmos, Figueiroá, Bolmente, Barantes, Liñarán, Rosende, Vilaescura e San Martiño de Anllo. Ademais, unificaranse varias subministracións, co que haberá uns 20 contadores menos.
Esta renovación conta cun investimento de 375.000 euros. É o IDAE, dependente do Ministerio de Industria, quen achega o 80% dos fondos. Nos últimos anos xa se cambiaron unhas 1.300 luminarias en todo o municipio de Sober, grazas a axudas do INEGA.
Luis Fernández Guitián, alcalde da vila, manifestou que estas obras permitirán “que o 100% do concello quede renovado a LED ou aloxenuro“. “Unha vez rematadas as obras a contaminación lumínica será insignificante e o aforro enerxético moi considerable”, precisou o rexedor.
