HomesociedadeAbadía da Cova e Adega Cruceiro, vencedores da Cata dos Viños da...

Abadía da Cova e Adega Cruceiro, vencedores da Cata dos Viños da Ribeira Sacra

Os membros do xurado destacaron que "a cata está no nivel de calquera das catas internacionais ás que asistimos".

Publicado o

- Advertisement -

O pasado venres día 5 celebrouse no Balneario de Augas Santas en Pantón a comida de peche da XXV edición da Cata dos Viño da D.O. Ribeira Sacra. O panel da cata, composto por 11 catadores expertos, premiou un total de 8 viños dos 67 que se presentaran. Foron os diferentes representantes das administracións públicas os encargados de entregar os premios, que consistiron en botellas de olería de Gundivós.

Na categoría de brancos presentáronse 17 viños e o primeiro premio levouno Abadía da Cova, de Adegas Moure, o segundo foi para As Glorias, de Adegas Amedo, e o terceiro premio recaeu en Viña Vella, de SAT Virxe dos Remedios. No que respecta aos tintos, das 32 mostras presentadas o gañador foi Cruceiro, da Adega Ramón Marcos Fernández. Ségueo Abadía da Cova, de Adegas Moure, co segundo premio e pecha a clasificación Casa Moreiras Selección, de Casa Moreiras. En Viños doutras anadas establecéronse dúas medallas de ouro debido á gran cantidade de caldos que se presentaron, e recaeron en Capador, viño tinto summum barrica 2017 da Adega Manuel Valdés e en Sollío, mencía barrica 2017 da Adega Juan Alberto Álvarez Rodríguez.

Os catadores do panel destacaron a calidade dos viños da Ribeira Sacra e as súas cualidades diferenciadoras fronte a outras denominación de orixe. Francisco Sauco, presidente da Academia Extremeña de Gastronomía, sinalou que “paisaxe e a dificultade que teñen as zonas de cultivo é o que lle dá personalidade a estes viños”. Pola súa parte, María Isabel Mijares e García de Pelayo, fundadora e vicepresidenta da Unión Española de Catadores, destacaba que “a cata está no nivel de calquera das catas internacionais ás que asistimos” e concluíu que “a Mencía é capaz de envellecer ben porque catamos viños doutras anadas que están espectacularmente ben”. Por último, Víctor Cortizo Fontán, representante da Asociación Galega de Enólogos engadiu que “case ningunha D.O. de tintos de España pode dicir o que pode dicir a Ribeira Sacra en canto aos viños do ano, teñen un potencial por si sós que noutras D.O. gañan grazas á barrica, pero aquí ese potencial xa está nos viños novos”.

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...