No escrito presentado infórmase de que no concello estanse sufrindo constantes cortes do subministro eléctrico dende hai tempo e a diferentes horas do día. No requirimento formal á Compañía eléctrica advírtese tamén de que os cortes non están asociados a fenómenos de tormentas nin a outras causas meteorolóxicas.
O concello, en nome propio e dos seus veciños e veciñas, lembra que os cortes repítense con demasiada frecuencia e supoñen un prexuízo para todos ao interromper tanto a prestación de servizos como a atención ao público en bancos, centro de saúde, comercios, concello, etc. Os cortes provocan tamén avarías en electrodomésticos, maquinaria, caixeiros automáticos e servizos en xeral.
