IniciosociedadeO PP pide a achega de fondos estatais para a renovación da...

O PP pide a achega de fondos estatais para a renovación da depuradora monfortina

O Grupo Popular presentou unha moción para debater no Pleno Municipal do pasado luns 29 o reacondicionamento das áreas peatonais e as beiravías de Monforte.

Publicado o

- Advertisement -

O pasado luns día 29 celebrouse un Pleno Municipal do Concello de Monforte. Nel, o Grupo do PP presentou unha moción para que a Executiva Municipal inste ao Goberno Central a achegar recursos para o reacondicionamento da estación depuradora de augas residuais (EDAR), situada na Pinguela. A voceira dos Populares, Katherinie Varela, afirmou que dado o alto custe das tarefas a realizar, o Estado español debería actuar “xa que o actual Goberno en funcións do noso país viste o mesmo uniforme político que o Goberno deste Concello”.

A voceira Popular tamén manifestou que “é notorio e manifesto o gran número de deficiencias no sistema de saneamento e depuración” de Monforte. Recalca que un estudo realizado no ano 2008 por Augas de Galicia recolle múltiples deficiencias na EDAR e conclúe que o fin da súa vida útil está próximo. Isto débese á ausencia de sistema de desengraxado, o mal funcionamento da decantación secundaria ou a falta de eliminación de nutrientes, entre outros aspectos.

Neste mesmo Pleno, o PP monfortino pedíu un proxecto de restauración de zonas peonís, rúas e beirarrúas cunha inversión anual reflectida nos orzamentos anuais. “As caídas en diferentes zonas peonís da cidade son recorrentes nos últimos tempos, sobre todo na rúa Cardenal”, declarou Varela, quen tamén destacou a importancia de manter esta vía en bo estado para amosar unha boa imaxe a turistas e inversores.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...