Albores Saúde Mental leva a II edición do Certame de fotografía itinerante que organizan con carácter anual ao Hospital Comarcal de Monforte, onde a poderán visitar ata o 1 de setembro.  O hospital colabora con Albores na difusión das mellores imaxes do II Certame. As fotografías acompáñanse dos textos dos autores e notas informativas sobre distintos aspectos da saúde mental, intercaladas por Albores.

Albores Saúde Mental ten a finalidade de promover a saúde integral das persoas con enfermidades mentais, así como mellorar a súa calidade de vida, a das súas familias e a da súa comunidade de pertenza. O ámbito de actuación é a zona sur da provincia de Lugo: Folgoso do Caurel, Quiroga, Ribas de Sil, Pobra de Brollón, Bóveda, Saviñao, Chantada, Carballedo, Pantón, Sober e Monforte de Lemos.

Todas as actividades que desenvolven teñen como meta global o mantemento da persoa afectada no seu entorno social e familiar nunhas condicións o máis autónomas, normalizadas e independentes posibles. Estes tratamentos son complementarios a medicación psiquiátrica e por elo traballan de forma coordinada coa Unidade de Saúde Mental da zona.

O equipo de Albores está composto por 2 Psicólogas,1 Terapeuta Ocupacional, 1 Traballadora Social e Técnico de Emprego e 2 Auxiliares. Ademáis hai persoal de cociña e de limpeza. O local co que contan en Monforte ubícase no km 0,7 da Ronda Emilia Casas Baamonde, prestando servizo en horario de luns a xoves de 9:00 a 14:00 e de 16:00 a 18:00, os venres de 9:00 a 14:00

 

Teléfono de contacto
982 404 968