HomesociedadeO Incio reclama un uso recreativo do encoro de Vilasouto

O Incio reclama un uso recreativo do encoro de Vilasouto

O alcalde do Incio reuniuse co presidente da Confederación Hidrográfica MIño Sil para solicitarlle que o encoro del Vilasouto sexa navegable por pequenas embarcacións.

Publicado o

- Advertisement -

O alcalde do Incio, Héctor Corujo, interésase ante a Confederación pola súa posible colaboración  para posibilitar a navegación en Vilasouto a través de embarcacións sen motor ou propulsadas con motores eléctricos e non contaminantes, o que podería converter ao Concello e aos municipios limítrofes nun punto de lecer acuático e, polo tanto, nun reclamo turístico.

O concello do Incio propón que as embarcacións de recreo que poidan usar o encoro non sexan a motor para non afectar así na auga que os concellos captan para o subministro, como é o caso de Bóveda. Consideran desde o concello que o encoro de Vilasouto, sen uso hidroeléctrico, sería un enclave de excepción para a navegación de recreo a través de pequenas embarcacións, piraguas, táboas de páddlesurf, wind surf ou pequenas embarcacións a vela ou pedal, entre outras posibilidades. “Cremos que se trata dun proxecto con moitas posibilidades de lecer e deportivas, o que repercutiría no turismo da zona”, precisa o alcalde. Confederación e concello acordaron estudar os condicionantes técnicos para poder levar a cabo o proxecto.

A xuntanza tamén se utilizou para abordar a necesidade do mantemento das infraestruturas competencia da CHMS ao seu paso polo Concello do Incio, como a mellora da estrada que vai de Laiosa á présa ou o desbroce da vía perimetral que conecta Vilasouto e Mosteiró.

ÚLTIMAS

Rueda enche no mitin de Monforte e visita a feira de Chantada

Rueda lembrou en Monforte que Lugo foi na anterior convocatoria das Eleccións Xerais, en...

O programa “Lugo de corazón a corazón” leva aos concellos da provincia a formación en prevención cardiovascular

O programa, que conta co apoio da Deputación de Lugo, busca facilitar o acceso...

Tres feridos nun accidente entre dous coches en Sarria

Segundo informou o 112 Galicia, un particular deu aviso deste accidente arredor das 20.00...

Este 22 de novembro ás 18:00 na casa da cultura de Monforte, maxia para público familiar na programación do 25-N

Esta actividade enmárcase na campaña “Monforte en negro contra as violencias”, organizada polo Concello...