IniciosociedadeO gran incendio de Lemos está 'totalmente controlado'

O gran incendio de Lemos está ‘totalmente controlado’

O alcalde de Monforte de Lemos e presidente da Deputación de Lugo, José Tomé, informou de que o devastador incendio que obrigou a desaloxar vivendas e a cortar estradas na zona sur da provincia, está baixo control.

Publicado o

- Advertisement -

Segundo palabras de José Tomé á axencia EFE, nestes momentos o incendio está “totalmente controlado”. O peor xa pasou e os servizos de extinción seguen na zona e están a traballar en arrefriar a zona para evitar que se poidan reavivar as chamas.

O rexedor local recoñeceu que este xoves vivíronse momentos de moita tensión, que levaron mesmo a desaloxar aos veciños do núcleo da parroquia da Vide e a cortar algunhas estradas, entre elas o corredor de Monforte de Lemos que comunica esta cidade cos concellos do Saviñao e Chantada.

Con todo, tamén quixo aclarar que o desaloxo dese núcleo rural produciuse “por precaución”, porque “é verdade que o lume estivo preto das casas”, pero “non chegou a afectar a ningunha”, aínda que si se queimou “algún pendello”. “Ás sete e media da tarde todos eses veciños que foron desaloxados xa puideron regresar ás súas casas”, engadiu Tomé Roca.

Para rematar sinalou á prensa que ao redor das 20:00 horas deste fatídico xoves, 5 de setembro, “as estradas tamén quedaron abertas e o lume estaba xa totalmente controlado ás 21:00 horas”.

A extensión arrasada estímase en 350 hectáreas de terreo.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...