A subdelegada do Goberno fixo este anuncio na visita ao CAISS de Monforte de Lemos, na que estivo acompañada do alcalde, José Tomé e do director provincial do Instituto Nacional da Seguridade Social e da Tesourería Xeral da Seguridade Social, Juan José Rodríguez Gude.

O CAISS de Monforte dá servizo a unha poboación potencial de 100.000 persoas do sur da provincia e atende cada mes a unha media de 1.400 usuarios.

A subdelegada aseguraba que unha das prioridades que se marcou ao asumir o cargo, hai pouco máis dun ano, “foi a de que a Administración do Estado lle dea a mellor atención posible aos veciños e veciñas da provincia de Lugo, e, dentro dese obxectivo, enmárcanse as xestións feitas para dotar das máis axeitadas instalacións aos usuarios da Seguridade Social na provincia de Lugo”.