IniciosociedadeA hostalería de Sarria quere falar inglés

A hostalería de Sarria quere falar inglés

A Mancomunidade de Concellos Galegos do Camiño Francés organiza un curso de inglés básico para hostalería e outros interesados e interesadas. Pola súa banda a Xunta denvolve cursos para Protección Civil en Chantada e O Saviñao.

Publicado o

- Advertisement -

O curso desenvolverase entre o 4 e o 15 de novembro, en horario de 17.00 a 19.00, na Casa da Cultura de Sarria. O curso estará impartido por Reyes Vázquez, Técnica de Turismo da Mancomunidade.

Os interesados e interesadas deben de inscribirse entre o 15 e o 25 de outubro, a través do correo electrónico turismo@sarria.es ou en horario de mañá no concello de Sarria. A actividade conta con 25 prazas que se cubrirán por orde de inscrición.

Cursos de Protección Civil da Xunta

A Xunta de Galicia organiza tres cursos para persoal das agrupacións de voluntarios de Protección Civil (APVCs). Na zona sur contarase con dúas destas actividades. Comezarase en Chantada do 1 ao 3 de novembro cun curso sobre accidentes na estrada, que terá 34 horas lectivas e conta con 20 prazas. O contido centrarase na prevención e  intervención en accidentes de tráfico.

Os días 23 e 24 de novembro haberá formación sobre busca e salvamento de persoas desaparecidas no Saviñao. Impartiranse 16 horas lectivas e hai 20 prazas. A actividade ten por obxecto capacitar ao alumnado para participar con éxito en operativos de busca de persoas desaparecidas, tanto no ámbito urbano coma no rural.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...