O día 9, ademais do Itinerario Gastronómico, o Concello de Triacastela organiza o seu tradicional magosto. A partir das 20:00 horas no Polideportivo Municipal haberá unha degustación de castaña, panceta, pan, mel e queixo do Cebreiro.
Os Itinerarios Gastronómicos nacen da colaboración entre a Mancomunidade de Concellos Galegos do Camiño Francés e Turismo de Galicia para promocionar os seus mellores produtos. As xornadas desenvólvense entre o mes de outubro a xaneiro nos concellos do Cebreiro, Triacastela, Samos, Sarria, Paradela, Portomarín, Monterroso, Palas de Rei, Melide, Arzúa e O Pino.
O obxectivo é facelo nos meses nos que hai menos camiñantes para desestacionalizar o turismo e atraer novos visitantes cando existe unha menor afluencia.
