Homesociedade288.000 euros para repavimentar a rúa Cardenal de Monforte

288.000 euros para repavimentar a rúa Cardenal de Monforte

O proxecto de mellora desta rúa foi elaborado pola empresa monfortina Abante que, tras levar a cabo varias análises en sucesivas visitas á rúa, salientou a necesidade dunha reforma integral de dita rúa do Cardenal. Este proxecto foi aprobado no Pleno ordinario municipal celebrado o pasado día 30 de setembro.

Publicado o

- Advertisement -

O prazo de presentación de ofertas está aberto ata o vindeiro mércores 4 de decembro de 2019 ás 14 horas. A mesa de contratación para a apertura das ofertas presentadas terá lugar o luns 9 de decembro de 2019 ás 9 da mañá.

O financiamento previsto para levar a cabo este proxecto de mellora farase con remanentes de fondos municipais. O prazo de execución da obra, unha vez adxudicada será de 56 días. Calcúlase que a finais do mes de decembro se poida proceder á sinatura do contrato e a previsión para o inicio das obras, se a climatoloxía o permite, será na semana do 13 de xaneiro, unha vez pasadas as festas de Nadal.

A reforma integral concebida para a mellora do pavimento da rúa do Cardenal abarcará aproximadamente uns 2.222 m2 de superficie. Colocaranse lousas de granito de 12 cm. de grosor sobre firme de formigón.

A execución desta obra está deseñada para non interromper totalmente o tráfico da rúa do Cardenal, é dicir, levarase a cabo en dúas fases, primeiro actuando sobre unha metade da rúa, en sentido lonxitudinal, e unha vez rematada esta primeira fase, abordarase a outra metade da rúa.

ÚLTIMAS

28 de xuño de exposición de conclusións da primeira fase do proxecto “O Courel destino e futuro”

O proxecto, exposto para afrontar o reto demográfico e as dificultades que ten o...

Reordenación do tráfico na rúa Doutor Casares de Monforte desde este 25 de xuño

Na actualidade atópase en execución a condución da tubaxe na rúa Doutor Casares, a...

Aberto o prazo para inscribirse no Campus de Verán do Incio

O Campus detínase a nenos e nenas de entre 3 e 16 anos con...

Piscinas ao aire libre e mellora do servizo da Unidade de Drogodependencias, demandas que Esperta Monforte presenta ao pleno

Esperta Monforte leva ao pleno deste luns unha moción para dotar dunha zona de...