Homesociedade"Gustaríame que esta curta chegara a todos, que invite á reflexión e...

“Gustaríame que esta curta chegara a todos, que invite á reflexión e a tomar conciencia sobre esta realidade”, Ana Mª Núñez

Quiroga coñece a sensibilización da veciñanza respecto da violencia de xénero a través dunha curta documental que veñen de estrear e que xa teñen online para chegar a canta máis xente mellor. "Camiñando da man" é o título do vídeo que forma parte da programación do 25N do CIM de Quiroga. Pola súa banda o concello de Monforte repetiu cadea humana na contorna do Cabe, contra a violencia de xénero.

Publicado o

- Advertisement -

O Concello de Quiroga, a través do CIM, Centro de Información á Muller, presentaba este domingo, 24 de novembro, a curta documental “Camiñando da man… contra a violencia machista”.

A curta recolle en pouco máis de 20 minutos a valoración da sociedade quiroguesa respecto da violencia de xénero: alumnado do Centro de Educación Infantil e Primaria e do Instituto de ensinanza secundaria da vila, representantes políticos, unha médica, a psicóloga do CIM e representantes da sociedade civil ábrense para sensibilizar á cidadanía.

A Concelleira de Igualdade, Ana María Núñez, falaba así de “Camiñando da man” durante o acto de presentación, “O primeiro obxectivo era ver o grado de concienciación e sensibilización que ten a sociedade quiroguesa respecto da violencia de xénero e os malos tratos en xeral e coñecer que solucións poderían aportar cada un deles a este tema. Collemos unha mostra o máis ampla posible que representara á poboación, distintas idades, distintos ambientes e ideoloxías, con representación dos diferentes partidos políticos do concello e da sociedade civil en xeral. Fixéronse entrevistas á xente que quixo colaborar, para con elas, elaborar este vídeo que forma parte da programación da área de igualdade do concello de Quiroga para o 25N”

Ana María Núñez (con gafas) na presentación da curta / XdL

Quiroga está san con respecto á violencia de xénero, preguntámoslle a Núñez, “A verdade é que o resultado foi sorprendente porque un pensa que a xente sabe e coñece do tema, pero non esperaba que ata este punto. A xente está moi sensibilizada, moi concienciada. A xente sabe perfectamente o que é a violencia de xénero, cal é a orixe da violencia, de onde vén e o que hai que facer no futuro. Respecto, igualdade, repíteo a xente constantemente, educación. Esa é a solución e o futuro.”

A cinta que mostra a repulsa contra a violencia machista, así como o apoio ás vítimas, é un traballo de sensibilización social, realizado pola produtora Némesis Audiovisual. coa subvención da Secretaría Xeral de Igualdade da Xunta de Galicia en desenvolvemento do pacto de Estado Contra á Violencia de Xénero.

Presentación Camiñando da man / XdL

Despois da presentación deste domingo, o vídeo pódese ver xa en youtube neste enlace. Próximamente contarase tamén con el na web municipal e farase unha versión breve, do máis significativo, para as redes sociais. Desde o concello búscase chegar á maior cantidade de xente posible con esta iniciativa, “Gustaríame que chegara a todo o mundo, a lo menos a toda a xente de Quiroga. Que se vira e que se reflexionase, que invite á reflexión e a tomar conciencia. Con iso estaríamos satisfeitos porque diso se trata. Tamén nos gustou a asistencia de público porque a presentación era a media tarde do domingo que a xente quere estar na casa, con mantiña e sofá e con esta proxección enchemos a casa da cultura. Á xente gustoulle moito, fixemos un pequeno coloquio e a xente tamén participou moito. Durante a proxección o silencio foi sepucral o que tamén fala de que a xente estaba interesada. Felicitar tamén á produtora, Némesis Audiovisual que foi a artífice de todo o resultado.”

Pola súa banda desde Némesis Audiovisual, o director Paulino Cadórniga, agradecía a confianza do concello de Quiroga de cara a abordar en vídeo un tema tan delicado e sensible, “Nas entrevistas tivemos clara a concienciación da xente e sensibilización con respecto a este tema; unha violencia machista que existe e que involucra a toda a cidadanía. Unha violencia que ten mil caras e que sempre pasa por unha situación de illamento e medo da vítima. Entón, esta situación pódese cambiar se todos nos implicamos, iso conta Camiñando da man… contra a violencia machista.”

25N en Monforte / XdL

Este 25N o concello de Quiroga celebrou a concentración correspondente, como outros concellos, institucións e asociacións. Na zona sur, Monforte tivo a cita con máis seguemento, sobre todo grazas á participación dos centros de ensino que repetiron a cadea humana contra a violencia de xénero na contorna do Cabe, contando ademáis este ano, co lema Monforte en negro sobre o río.

25N Monforte / XdL

ÚLTIMAS

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...