Nesta primeira semana de decembro deron comezo os traballos de impermeabilización da cuberta dos vestiarios da fase nº 1 do Campo Municipal de Fútbol Luis Bodegas de Monforte. O obxectivo das obras é solucionar os problemas de filtracións que vén rexistrando o edificio e que están orixinando prexuizos e incomodidades ós usuarios da instalación.

Nos vindeiros días tamén se procederá á substitución da rede parabalóns motorizada que está ubicada detrás de cada unha das porterías dos campos de fútbol 7 que dan á grada.

A inversión para estas melloras no Campo Luis Bodegas supera os 17.000 euros. A empresa encargada de realizar a impermeabilización da cuberta e Esmón Estructuras de Construcción S.L.U. e o importe da obra é de 14.118,87 €.

A empresa encargada da substitución da rede parabalóns motorizada é Toldos Ourense e o importe da obra é de 2.964,50 €.