IniciosociedadeMuferga, Museo do Ferrocarril de Galicia, amplía o seu patrimonio

Muferga, Museo do Ferrocarril de Galicia, amplía o seu patrimonio

Muferga suma ao seu amplo patrimonio ferroviario a mesa de encravamento da estación de Ourense-Empalme e acolle esta ponte, a V Feira de Modelismo Ferroviario.

Publicado o

- Advertisement -

Adif respondeu favorablemente á solicitude formulada desde o Muferga para contar coa cesión desta mesa de encravamento. Así, a sede do museo, en Monforte de Lemos, contará proximamente con esta peza hoxe en desuso, tras a súa substitución por un sistema dixital. Coa mesa xestionábanse todos os desvíos de vía, sinais, cambios de agullas e outros dispositivos que ordenaban e regulaban os movementos e tráficos de trens.

Muferga comprométese a preservar esta peza e a instalala nun espazo destacado do museo, como mostra da importancia que ten para o patrimonio ferroviario de Galicia. Tamén incluirá un panel informativo no que se describa a súa funcionalidade e características.

E os días 6, 7 e 8 de decembro o Muferga acolle a V Feira de Modelismo Ferroviario. A Asociación de comerciantes de mercadillos ferroviarios de Madrid desenvolve esta nova edición do mercadillo de trens en miniatura que xa conta con gran aceptación entre os afeccionados aos trens en miniatura e público en xeral. Se a climatoloxía acompaña funcionarán, para os máis pequenos, os mini trens infantís e a composición ferroviaria de época que circula pola rede interior do Museo do Ferrocarril de Galicia.

Muferga

As instalacións do Muferga poden visitarse de martes a venres de 11:00 a 14:00 e de 16:00 a 19:00 horas. Sábados, domingos e festivos: de 12:00 a 14:00 e de 17:00 a 19:00 horas. O prezo da entrada é de 3€, nenos 1€ e para as visitas concertadas 4€ persoa. O contacto do Muferga é 982 418 421 / 606 401 982.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...