Haberá dúas categorías. Poden participar os nenos e nenas de 3 a 6 anos (categoría A) e os/as de 7 a 12 anos (categoría B).

Pídeselles que fagan un debuxo relacionado co Nadal (tamaño A5) e que o entreguen no Concello xunto cun sobre no que figuren os seus datos: nome e apelido, idade, teléfono e enderezo postal.

Os traballos que participen no concurso poderán entregarse ata o 2 de xaneiro e serán expostos no salón multiusos do Concello do Incio. O día de Reis todos os asistentes terán a oportunidade de votar un debuxo por categoría.

Premiarase o debuxo máis votado en cada unha das categorías e haberá un obsequio para todos e todas os participantes.

En edicións anteriores deste certame a ilustración gañadora pasaba a ser a postal de felicitación que o concello enviaba ás veciñas e veciños.