A primeira das actuacións será o día 23 de decembro co mago Samuel Moreno, concursante do programa de televisión Got Talent. Ás 19:00 horas no salón multiusos do Concello.
A segunda será o día 29 de decembro co sarrián Roberto Lolo, un clásico xa no concello. Terá lugar no centro social do Val do Mao ás 19:00 horas.
E a terceira está prevista para o 30 de decembro co Mago Rafa ás 19:00 horas no local social de Vilademouros.
Con estas tres actuacións, de carácter gratuíto e pensadas para todos os públicos, complétase así o programa de actividades para estas festas. Segundo Héctor Corujo, o alcalde, trátase “de ter unha oferta cultural e lúdica no noso Concello da que poidan gozar os nenos e nenas e tamén os adultos”.
