IniciosociedadeCentros de Información á Muller para todos os concellos galegos, un dos...

Centros de Información á Muller para todos os concellos galegos, un dos desexos de ASOCIM

A asociación formula 12 desexos para o novo ano apoiados na súa loita contra o machismo. Considersan imprescindible a expansión dos centros para poder atender en tempo e forma ás mulleres das zonas rurais da comunidade, en especial ás do interior de Lugo e Ourense, provincias marcadas pola alta dispersión da poboación, e, deste xeito, que todos os concellos galegos conten cun CIM.

Publicado o

- Advertisement -

A reivindicación do cese de todas as violencias machistas (psicolóxica, física, sexual, económica) e a conquista dunha sociedade igualitaria é o desexo principal. Queren tamén que se mellore o reparto dos fondos do Pacto de Estado contra a Violencia de Xénero, poñendo o foco na optimización dos servizos que traballan coas vítimas e no aumento das axudas destinadas ás mulleres que están a sufrir violencia machista.

Demandan prestacións, cuxa contía e duración deben obedecer á situación real de vulnerabilidade que viven, permitíndolles atender as súas necesidades e situalas nun eido seguro desde o cal recuperar a súa liberdade e independencia. Como exemplo dos casos que necesitan unha liña de axudas específicas refírense ás mulleres maiores, xa que, pola súa idade e dada as altas posibilidades de que non cotizasen durante a súa vida laboral, quedan fóra do sistema de prestacións.

Como terceiro desexo, ASOCIM pide reforzar os Centros de Información á Muller tanto a nivel de persoal como de recursos. Solicitan que os CIM cunha alta actividade conten cunha/cun auxiliar administrativa/o e as tarefas de dirección se desenvolvesen de forma independente das funcións da/o avogada/o e/ou psicóloga/a para que poidan ocuparse plenamente da atención especializada ás usuarias.

A reivindicación dunha formación continuada, especializada e de calidade para as/os profesionais dos Centros de Información á Muller é outro dos puntos que marca a axenda de ASOCIM para o 2020. Lembran que deben atender tamén aos colectivos de menores e LGTBI+ e reclaman que se dote aos CIM de persoal experto nestas materias.

Centro Cívico / Concello de Monforte

En canto aos Puntos de Encontro Familiar, piden mellorar o seu funcionamento para que as vítimas non teñan que cruzarse cos seus agresores. Desde a asociación mostran a súa preocupación porque aínda desde certos ámbitos da saúde e a xustiza se siga a falar da síndrome de alienación parental (SAP). A este respecto ASOCIM pide a supresión do Servizo de Apoio Familiar (SAFIM[1]), recentemente posto en marcha en Galicia. Consideran que podería poñer en risco o benestar dos menores ao influír no transcurso do proceso xudicial e carecer de imparcialidade.

Solicitan formación en igualdade obrigatoria, no ámbito xurídico, policial e sanitario; para unha abordaxe completa desta problemática social desde todos os campos. Tamén piden que os medios de comunicación poñan en práctica as recomendacións dadas para o tratamento informativo dos casos de violencia de xénero.

Pechan esta listaxe, o 11º e o 12º desexo: a firma dun Pacto Galego contra a Violencia Machista e que todas as mulleres asasinadas por violencia machista figuren nas estatísticas oficiais, elaboradas pola Delegación do Goberno para a Violencia de Xénero, independentemente de se existía unha relación sentimental co asasino ou non.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...