O proxecto Camiños de Identidade xurde como oportunidade para crear dinámicas de desenvolvemento rural en cinco concello galegos a través dun enfoque participativo e turístico.

Tras unha análise do potencial de cada concello, identifícanse recursos en cada territorio que, no seu conxunto, supoñen a esencia cultural de Galicia e que se complementan baixo a marca “Camiños de Identidade”. Este traballo permite crear un produto turístico a nivel local e a nivel galego.

Celebrarase un evento en cada concello onde se realizarán entre outras actividades unha ruta interpretativa e a presentación da identidade posta en valor. As actividades serán abertas ao público e de balde con inscrición previa. Arrancan en febreiro: o día 1 en Mondoñedo, o 8 en Rodeiro e o 29 en Triacastela e seguen o 14 de marzo en Porqueira e o 4 abril en Cabanas.