A Deputación de Lugo vén de aprobar un conxunto de Plans de Seguridade e Saúde no Traballo das obras de rehabilitación do firme de 9 estradas provinciais de 5 concellos nos que a institución provincial investirá máis de 1millón de euros.
No concello de Monforte de Lemos e no da Pobra do Brollón “imos comezar a rehabilitación da estrada LU-P-3203 que conecta o núcleo de Monforte con Rozavales; e tamén a LU-P-4702 Vilachá-A Pobra do Brollón”, sinalou García Porto. Nesta obra arranxaranse preto de 7,5 quilómetros e vanse investir 264.000€.
No concello de Chantada vaise mellorar o firme da estrada provincial LU-P-1802, que une Chantada co encoro de Belesar; tamén a LU-P-1804, que conecta Touza con Ponte de San Fiz e a LU-P-1809, que discorre entre Chantada e Antas de Ulla. En total son case 9 quilómetros e medio e nestas tres vías provinciais invístense 317.000€.