A acción erosiva do elevado caudal provocou o esborralle dunha parte da marxe dereita do regato das Malloadas, á altura da Ponte do Picos. 

Estas obras foran declaradas de emerxencia polo Consello de Ministros celebrado o 28 de xaneiro do 2020. Coas obras executouse un dique de 27 m de lonxitude e 2,20 m de altura media, repoñéndose o peitoril anteriormente existente e as instalacións de iluminación pública. Igualmente procedeuse a estender unha capa de aglomerado asfáltico de similares características á que existía anteriormente.

Os traballos completáronse cunha mellora da drenaxe das augas pluviais que discorren pola rúa co fin de asegurar a estabilidade da nova estrutura e evitar novos derrubes. Estas obras de emerxencia, que deron comezo o pasado 9 de xaneiro, supuxeron un investimento de 56.976,42 €.