Adif vén de someter a información pública dous proxectos para a execución de diversas melloras do ferrocarril na nosa provincia.

En Monforte de Lemos, as expropiacións afectan a cinco fincas situadas no municipio de Monforte, que son necesarias para as obras do proxecto de ampliación de gálibo en pasos superiores no traxecto non afectado pola variante de San Xiao, entre Ourense-Monforte-Lugo.

Tamén se somete a información pública o expediente de expropiación forzosa motivado polas obras do proxecto de construción do túnel de Oural situado no treito Monforte-Lugo da liña 800 A Coruña-León, de fincas pertencentes aos municipios do Incio e Sarria.

Nos dous casos, o prazo para a presentación de alegacións será de 15 días, a contar desde o día 11.