IniciosociedadeEfectivos da UME desinfectan residencias en Monforte

Efectivos da UME desinfectan residencias en Monforte

Efectivos da Unidade Militar de Emerxencias (UME) desenvolveron este martes, 24 de marzo, tarefas de desinfección en residencias, prazas e edificios públicos no municipio de Monforte de Lemos.

Publicado o

- Advertisement -

No marco da Operación Balmis do Ministerio de Defensa íanse realizar limpezas, nun principio, na contorna do hospital comarcal e o centro de día de Geriatros, na Rúa do Morín. Pero segundo informan desde o Concello de Monforte, tras as xestións do alcalde, José Tomé Roca, coa subdelegada do Goberno en Lugo, Isabel Rodríguez, esa limpeza contra o coronavirus ampliouse a outros espazos.

UME Monforte / Concello de Monforte

Entre outros lugares, os militares actuaron en: residencia da terceira idade no paseo do Malecón; residencia Asimédica; Fogar de San José; así como na Praze do Campo de San Antonio e edificio da casa consistorial.

UME / Concello de Monforte

LIMPEZAS EN MUNICIPIOS

Mentres, multitude de municipios galegos traballan en accións de limpeza para combater o coronavirus. Por exemplo, en Ferrol (A Coruña) reorganizouse ao persoal de Urbaser para reforzar a hixienización diaria de rúas e contedores, á vez que se preserva a seguridade dos empregados. Varios operarios realizan tarefas de baldeo e lavado de vías en accesos a supermercados, farmacias e centros sanitarios. En Bergondo (A Coruña), os traballadores de Protección Civil desinfectarán periodicamente os edificios e espazos públicos nas zonas onde haxa locais aos que poden acceder veciños durante o estado de alarma como centros de saúde, bancos, marquesiñas e supermercados. En Verín (Ourense) operarios municipais desinfectan rúas, nun dispositivo cunha empresa de control de pragas que acode periódicamenete con mochilas pulverizadoras a edificios municipais, residencias de maiores e o hospital. Pola súa banda, en Arbo (Pontevedra), o Concello fai traballos de desinfección en rúas do casco urbanos e de maior afluencia en parroquia coa colaboracións das adegas As Laxas e Marqués de Vizhoja, que puxeron a disposición maquinaria e persoal necesario.

UME Monforte / Concello de Monforte

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...