Iniciosociedade27 casos activos na Domusvi de Bóveda

27 casos activos na Domusvi de Bóveda

Nas residencias de maiores, Galicia conta con 832 usuarios con Covid19; deles mantense 1 na Domusvi de Chantada e baixa de 2 a 1 a Domusvi de Monforte, porque un dos pacientes deu negativo na última proba.

Publicado o

- Advertisement -

Os últimos datos de casos activos nos centros para persoas con discapacidade confirman o importante aumento de casos na Domusvi de Bóveda. Este centro que conta con máis de 200 persoas, confirmaba o pasado día 8 casos de traballadores e usuarios con Covid19 e a última hora deste domingo coñecíanse novos casos resultado das probas realizadas neste centro, que conta con 16 usuarios e 11 traballadores infectados. Os pacientes están illados no centro e non presentan complicacións, agás unha persoa que está en hospitalización.

A nivel galego estes centros contan con 91 usuarios con casos activos e 74 traballadores. No resto destes centros na zona sur non presentan novidades. Mantéñense os casos do traballador da Vivenda Tutelada Agora de Monforte e no CAPD de Sarria os 15 traballadores e 8 usuarios.

Nas residencias de maiores, Galicia conta con 832 usuarios con Covid19; deles mantense 1 na Domusvi de Chantada e baixa de 2 a 1 a Domusvi de Monforte, porque un dos pacientes deu negativo na última proba. Na residencia de Castro Caldelas seguen os 16 casos activos nos usuarios. Os traballadores con Covid19 nas residencias galegas son 342, deles 5 están na Domusvi de Monforte, 8 na residencia de Castro Caldelas

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...