A provincia conta con 610 casos activos de coronavirus, 5 máis ca onte. Deses casos, 8 están na UCI, 2 na Mariña e o resto no HULA e 28 en hospitalización, 4 menos ca onte. 4 dos hospitalizados están no Hospital Público da Mariña, 12 no Hospital Virxe dos Ollos Grandes e o resto no HULA.
O Hospital Comarcal de Monforte seguía sen hospitalizados por Covid19 e de seguir así mañá, 22 de abril, faría unha semana sen pacientes por coronavirus, pero este martes acaba de confirmarse o ingreso e posterior falecemento dun varón que ingresaba a última hora de onte.
11 persoas máis están na casa como casos activos de Covid19 e suman 575 en toda a provincia. A día de hoxe o Covid deixou na provincia 24 falecementos e 118 altas.
O número de casos activos de COVID-19 en Galicia aumentou en 120 desde este luns ata situarse nos 6.416; e xa son 464 falecidos.
As residencias de anciáns en Galicia contan con 860 usuarios e 327 traballadores infectados, a situación mantense estable en canto ao número de casos activos nas residencias do sur de Lugo. O mesmo acontece cos centros para persoas con discapacidade, mantéñense estables no sur de Lugo e en Galicia suman 117 usuarios e 79 traballadores como casos activos de Covid19.
