A provincia de Lugo conta con 675 casos activos de coronavirus, 13 mais ca onte. Deles, 7 están na UCI, 2 na Mariña e 5 no HULA. 25 persoas diagnosticadas con coronavirus están en hospitalización, un máis ca onte (10 no Hospital Virxe dos Ollos Grandes e o resto no HULA.

O Hospital Comarcal de Monforte a día de hoxe segue a rexistrar 0 ingresos por COVID19, de manterse así, mañá cumprirá unha semana sen hospilizados por esta causa. E no Hospital da Mariña hoxe non hai hospitalizados, agás os dous pacientes que ten na UCI. 643 persoas diagnosticadas pasan o confinamento no domicilio, 12 máis ca onte.

Na provincia lévanse producido 26 falecementos e lévanse dado 133 altas. O número de casos activos de COVID-19 en Galicia aumentou en 56 ata situarse nos 6.947 infectados, mentres que as altas de pacientes incrementáronse desde o luns en 25 ata as 1.841.

Este martes redúcese o número neto de positivos en residencias de maiores, posto que se rexistraron máis curacións que novos contaxios. As residencias galegas contan con 764 usuarios infectados e 293 traballadores. Nos centros para persoas con discapacidade cóntase con 97 casos activos de usuarios e 50 de traballadores.

Na zona sur rexistráronse 2 casos positivos por curación de dous traballadores do centro de atención á discapacidade DomusVi Bóveda, que agora conta con 13 usuarios infectados e 7 traballadores.