Un incendio declarado na tarde deste xoves nunha casa de Sarria (Lugo) causou distintos danos na vivenda, aínda que non provocou vítimas. Segundo a información do CIAE 112-Galicia, o incendio iniciouse sobre as 15,00 horas nunha vivenda do lugar de Vilerma, na parroquia de Maside.

Ata a zona desprazáronse efectivos dos Bombeiros de Sarria, da Garda Civil, da Policía Local e da Agrupación de Voluntarios de Protección Civil da localidade, que traballaron na extinción das chamas. O incendio afectou á campá extractora e a varios mobles da cociña, aínda que a totalidade da vivenda quedou afectada polo fume. Os labores de extinción finalizaron ás 16,20 horas.