IniciosociedadeO Saviñao non cobrará as taxas por ocupación de espazo público ata...

O Saviñao non cobrará as taxas por ocupación de espazo público ata finais de ano

O Concello do Saviñao deixa sen efecto as taxas por ocupación de espazo público das terrazas ata finais de ano. Acordouse esta medida na segunda reunión da comisión de seguemento e coordinación do Covid-19.

Publicado o

- Advertisement -

A suspensión das taxas ten por obxecto axudar ao sector da hostalería a encarar a desescalada. Por iso, logo desta xuntanza, o rexedor trasladou o acordo adoptado aos empresarios nunha reunión producida no auditorio e na que estes amosaron a súa satisfacción pola iniciativa do Concello.

Armesto explicou tamén aos hostaleiros que ampliarán en todo o que estea permitido o espazo que ocupan no exterior dos negocios para que poidan colocar o maior número de mesas posible e repartirán a todos eles equipos de protección, “co fin, dixo, de darlles máis seguridade aos clientes”. Proveerán aos hostaleiros de máscaras, pantallas protectoras e desinfectarán estas ocupación todos os días dende as 8:00 ás 10:00 mañá, durante os meses de xuño e xullo.

Protección para perruquerías e máis doazóns

Na reunión de coordinación e seguimento do Covid-19 tamén deron conta de todo o material de protección adquirido con fondos propios e recibido das administracións públicas e de empresas como Confecciones Elper, Ogai, o colexio de Escairón e, a última,  de Comercial Quesera Campoverde, quen doou á entidade local 500 litros de leite para as familias con menos recursos do municipio.

“Estamos moi agradecidos  tanto da solidariedade da Xunta, da Deputación…, como das nosas empresas. Son doazóns moi importantes todas elas. Para eles, o noso recoñecemento público”, destaca.

O vindeiro luns os salóns de peiteado xa poden abrir as súas portas, o Concello tamén proporcionou aos 5 existentes no municipio diverso material de protección.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...