A CIG Saúde asegura que, nesta situación, as probas que se recollan o venres quedarán na neveira ata o luns, “o que fará que moitas se estraguen, como é o caso dos ouriños”. Tamén aseguran que cando se pida algo urxente, como os hemocultivos, non se vai saber o resultado ata o día seguinte.
Segundo o sindicato, esta situación demostra as “mentiras do SERGAS cando nos quitaron a área sasnitaria. Decían que era porque ían vir médicos de Lugo, ainda os estamos esperando.”
O sindicato denuncia tamén que o Hospital conta cun aparato preparado para facer as PCR (probas do coronavirus) desde o día 1 de abril, e as probas non se fan en Monforte, mándanse tamén a Lugo en taxi dúas veces o día. Din non entender esta medida da dirección cando de facerse en Monforte as probas, tardarían aproximadamente 50 minutos e ao mandalas a Lugo tardan 3 días.
“Xa se ten dado o caso de mandar a traballadores 3 días para a casa illados, por estar pendentes do resultado e despois ser negativo. Lembramos que aquí se sabería o resultado en 50 min,” sinala a CIG Saúde e pídenlle ao Director que deixe de enviar probas a Lugo e pida que se fagan no hospital e que pida un microbiólogo para cubrir as libranzas.
