HomesociedadeAbsolto o delegado do Goberno en Madrid, José Manuel Franco, natural da...

Absolto o delegado do Goberno en Madrid, José Manuel Franco, natural da Pobra do Brollón

A titular do Xulgado de Instrución número 51 de Madrid, Carmen Rodríguez-Medel, non ve indicios suficientes de delito por permitir concentracións multitudinarias, entre elas a manifestación feminista do 8 de marzo.

Publicado o

- Advertisement -

A xuíza arquiva a causa que seguía contra José Manuel Franco, delegado do Goberno de Madrid, por un presunto delito de prevaricación administrativa por permitir concentracións multitudinarias. A maxistrada tomou esta decisión tras escoitar este mércores a Franco, que acudiu a declarar en calidade de investigado, e a un total de 18 testemuñas que compareceron despois, entre eles o secretario xeral da delegación do Goberno, Fernando Talavera; sete funcionarios do organismo e 10 promotores de manifestacións aos que chamaron para pedir que cancelasen as súas concentracións.

José Manuel Franco. Fonte: PSdeG PSOE provincial

A iso súmase a batería de dilixencias de investigación que ordenou desde o 23 de marzo, cando acordou admitir a trámite a denuncia dun particular, como os informes ao médico forense adscrito ao xulgado e á Garda Civil.

A xuíza conclúe no auto que o investigado, entre o 5 e o 14 de marzo de 2020 “non tivo coñecemento certo, obxectivo e técnico do risco que para a saúde das persoas entrañaba a realización de manifestacións e concentracións”.

Así mesmo, sinala que Franco “non recibiu comunicación ou instrución sanitaria sobre este particular e tampouco a solicitou de oficio de ningunha autoridade competente no ámbito sanitario”. Engade que tampouco “ningunha persoa física ou xurídica, pública ou privada, instou ó delegado do Goberno en Madrid a que prohibise ou restrinxise dalgunha forma a celebración de concentracións ou manifestacións por razón da covid19”.

ÚLTIMAS

Inscricións de novas viñas en suspenso en concellos que non teñan aprobada unha delimitación planimétrica

O pleno do Consello Regulador Ribeira Sacra reuniuse o pasado 10 de febreiro de...

A futura ‘Área Recreativa e Praia Fluvial de Monforte’ terá capacidade para acoller a unhas 20.000 persoas

O alcalde de Monforte de Lemos, José Tomé Roca, informou en rolda de prensa...

Estudantes do IES A Pinguela destacan na fase galega da Olimpiada de Xeoloxía

Corenta alumnas e alumnos de institutos da provincia de Lugo (IES Fontem Albei da...

O Club Lemos preséntalle o seu proxecto de futuro ao Alcalde de Monforte

O novo presidente do Club, Antonio López, que foi elixido polos socios o pasado...