Na zona sur beneficiaranse os concellos de Quiroga e Sober con dous traballadores concedidos e 6.000 euros en cada caso; Paradela con 6.398,04 e dous traballadores; O Saviñao con 6.257,32 e dous traballadores e Pantón con 6.029,92 e tamén dous traballadores. E terán un traballador Taboada, Láncara e Chantada con 3.252, 3.000 e 3.083,36 euros respectivamente.
A Xunta atendeu as solicitudes de todos os concellos que pediron financiamento para contratar socorristas a través deste programa, que se enmarca na liña de cooperación administrativa entre o Goberno galego e as administracións locais.
Con esta medida foméntase a contratación de persoas sen emprego co obxectivo de proporcionarlles experiencia e práctica profesional que contribúan a apoiar a súa inserción laboral, ao tempo que se reforzan servizos de interese xeral para os municipios.
