HomesociedadeMereces un respiro na Ribeira Sacra

Mereces un respiro na Ribeira Sacra

O Consorcio de Turismo Ribeira Sacra estrea este luns a web merecesunrespiro.com e esta fin de semana abriu as súas portas o Centro do Viño da Ribeira Sacra e a oficina de turismo de Monforte.

Publicado o

POR
Redacción
- Advertisement -

Este luns, 29 de xuño, desde as 12:00 horas, está dispoñible o contido da web merecesunrespiro.com que pon en marcha o Consorcio de Turismo Ribeira Sacra

O sitio web é a parte central da campaña “Despois de todo, mereces un respiro” coa que o Consorcio quere atraer e poñer a disposición dos posibles visitantes experiencias “moi coidadas e adaptadas ao novo contexto xerado pola pandemia do COVID-19.”

As propostas clasifícanse en 5  bloques en función da tipoloxía de servizos e actividades que conteñen. Hainas relacionadas coa exploración dos recursos patrimoniais do territorio, outras de interacción coa paisaxe a través do deporte, tamén do coidado persoal en espazos únicos, e vencelladas á oferta gastronómica do xeodestino.

O usuario poderá realizar unha búsqueda, ademais de pola temática, por duración, perfil de público ao que vai dirixido ou pola periodicidade na que están dispoñibles as actividades que busca. Estréase o portal con máis de 40 experiencias, que seguiremos ampliando co paso dos días, en diferentes quendas.


Centro do Viño e oficina de turismo de Monforte

E o Centro do Viño da Ribeira Sacra e a Oficina Municipal de Turismo de Monforte de Lemos abriron este sábado, 27 de xuño as súas portas. O horario de verán será de 10:00 a 14:00 e de 17:00 a 21:00 horas, contando con todas as medidas de prevención necesarias.

As visitas guiadas ao Centro de Interpretación Ribeira Sacra – Museo do Viño serán ás 11:30, 12:30, 17:30 e 19:00 horas.

Centro do Viño / turismo.gal

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....