A zona de actuación en Alonso Ríos abarcou 350 metros de lonxitude, e os traballos de mellora consistiron na rexeneración do seu firme asfáltico. Procedeuse a aplicar unha nova capa de rodadura, consistente nunha capa de aglomerado en quente, tipo D-12, de 4 cm. de espesor.
Unha vez rematada a colocación do pavimento novo, levouse a cabo o recalce de tapas de pozos, arquetas, sumidoiros e demais elementos existentes na calzada, ata o novo nivel do pavimento.
Para rematar, na calzada, unha vez terminada a colocación da nova capa de aglomerado, levarase a cabo o pintado da vía, coa marcaxe das liñas viais, cebreados e símbolos correspondentes. Para elo, utilizarase pintura reflexiva e microesferas de vidro.
Nesta semana tamén remataron as obras da rúa Alfredo Brañas cun investimento de 13.578,49 euros, Severo Ochoa 25.971,96 euros, Lois Pereiro 14.399 euros e Poeta Noriega Varela 25.971,96 euros. Trabállase nas Cruces cun investimento de 29.030,85 euros.
