3 casos de Covid e 20 illados na área do centro de saúde de Chantada

Desde o centro de saúde de Chantada informan, mendiante nota de prensa, da existencia de tres casos de covid-19 na súa área de influencia, despois de case dous meses sen contaxios, coas últimas altas a finais de xuño.

Un mozo coloca unha máscara para protexerse contra o coronavirus | ConSalud

Os tres pacientes en cuestión atópanse asintomáticos e illados nos seus respectivos domicilios. En canto se soubo destes casos procedeuse a localizar ós contactos directos das tres persoas contaxiadas. Agora mesmo hai unhas 20 persoas illadas por precaución, á espera das pertinentes probas que determinen se están ou non infectadas, que se lles practicarán na maior brevidade posible.

Os profesionais deste centro de saúde aseguran que queren transmitir tranquilidade e prudencia nestes tempos incertos. “É importante extremar as precaucións na medida do posible para evitar os contaxios e, ao mesmo tempo, manter a tranquilidade. Tamén nos gustaría pedir que non se lle dean veracidade aos bulos nin aos rumores, pois o único que fan é contribuír a un alarmismo que non axuda na loita contra o virus. As canles oficiais informan debidademente do avance da pandemia,” segundo afirman.

DEIXAR UN COMENTARIO

Please enter your comment!
Please enter your name here