HomesociedadeDemoras na recollida de lixo nas aldeas de Quiroga

Demoras na recollida de lixo nas aldeas de Quiroga

O BNG de Quiroga asegura que aldeas como Paradaseca ou A Enciñeira fixéronlles saber que os contedores estaban colapsados e había bolsas de lixo xa fóra deles en cantidades importantes.

Publicado o

POR
Redacción
- Advertisement -

No caso de Paradaseca comunicaron ao BNG que o camión do lixo había máis de 10 días que non pasaba e que aldeas da contorna como Paradapiñol tiñan o mesmo problema.


Outro punto no que hai queixas estes días é A Enciñeira. Os 2 contedores están rebordados e empezan a acumularse bolsas no chan. Os veciños e veciñas amosan tamén o seu descontento co servizo e piden que se pase o antes posible a recoller o lixo amoreado.


Dende o BNG de Quiroga aseguran que xa fixeron chegar varias comunicacións a alcaldía para que solucionasen as incidencias o antes posible. Ao mesmo tempo trasladáronlle ao concello que aínda que nestes meses aumenta a poboación no rural, o Concello ten que actuar con previsión e reforzar o servizo para ofrecer unha atención óptima e axeitada aos seus veciños e veciñas. “Non é de recibo en ningún caso, e máis nestes tempos de pandemia, que o lixo saia fóra dos contedores e tarden máis dunha semana en recollelo. A día de hoxe, cónstanos que en Paradaseca solucionouse o problema pero na Enciñeira non,” sinalan desde o BNG.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...