Xa son 14 falecementos na residencia do Incio

Este venres falecían no HULA dous usuarios da residencia do Incio, sumando 12 falecidos neste centro; este sábado falecen outras tres mulleres no HULA, dúas delas usuarias da residencia do Incio.

Residencia do Incio / Eliseo Trigo (EFE)

O 20 de agosto desde Política Social e Sanidade, anunciábase que a residencia do Incio contaba con 65 casos positivos entre os usuarios e 4 traballadores, un destes casos xa coñecido. Nesa mesma xornada a Xunta anunciaba que interviña o centro.

Desde ese 20 de agosto a situación na residencia foi en aumento e cos novos casos que se foron dando foron aparecendo as mortes. O 26 de agosto volvíanse a disparar os positivos nesta residencia, contabilizándose 87 usuarios con coronavirus, 31 máis e 18 traballadores máis para contar cun total de 26 traballadores infectados. A residencia sumaba 113 casos activos de Covid19 e comezaban a sucederse os falecementos.

Os últimos, dúas das pacientes falecidas este sábado no HULA, dúas mulleres de 86 e 87 anos, o que eleva a 14 os falecementos neste centro desde o rebrote. Cando a comezos de maio esta residencia celebraba que todas as probas feitas no centro deran negativo.

DEIXAR UN COMENTARIO

Please enter your comment!
Please enter your name here