Este domingo, 6 de setembro, reciben a alta por curación dous traballadores da residencia do Incio ao tempo que dá positivo en coronavirus un novo traballador deste centro. Así, na actualidade son 82 usuarios e 33 traballadores infectados neste centro residencial. Nas residencias da zona sur mantense 4 traballador infectado na residencia DomusVi de Monforte.
Este domingo os casos activos na provincia son 810, 6 máis ca onte; deles 54 están hospitalización, 3 na Mariña, 1 en Monforte e o resto no HULA que ademáis ten 4 destes pacientes na UCI. 752 persoas pasan a Covid19 en domicilio.
Galicia detectou 252 novos positivos por coronavirus nas últimas 24 horas e o total de casos activos incrementouse en 38, ata situarse en 4.175, de acordo cos datos deste domingo da Consellería de Sanidade, tomados na tarde de onte. O último parte recolle que se curaron na Comunidade galega un total de 13.649 persoas, que son 211 máis das que constaban o sábado.
