Na Escola de Música Samoeiro poden matricularse persoas residentes tanto na Pobra do Brollón como noutros concellos. O prezo anual da matrícula nunha materia son 90€. Para cada materia adicional, son 45€. Ademais hai un prezo reducido para membros dunha mesma unidade familiar.

En tódalas materias excepto coro, pódense facer grupos para adultos e nenos. Ademais, ofrécese unha materia específica de iniciación musical para nenos de 5 a 12 anos.

“Para A Pobra do Brollón é un orgullo ter unha Escola de Música que leva doce anos facendo veciñanza a través da música e o baile. É unha escola accesible e aberta que conta cun excelente profesorado, todos de gran traxectoria profesional,” comenta o alcalde, Xosé Lois Maceda.

A matrícula faise de xeito presencial na biblioteca municipal sita na Casa da Cultura ‘Olga Novo’. Para máis información, pódese chamar ao teléfono 982 430 546 ou consultar a páxina web do concello