Xa son 16 os anciáns mortos na residencia do Incio

En Galicia xa son 664 os mortos.

Unha sanitaria nunha xanela da residencia de anciáns do Incio, en Lugo (España), onde se detectou un brote de coronavirus, o 20 de agosto de 2020. | Fonte: GC

Un novo falecido vinculado co brote rexistrado na residencia de maiores do Incio eleva o total de vítimas da COVID-19 en Galicia a 664 e as da residencia a 16 mortos logo do gromo de coronavirus detectado neste centro o pasado mes e que chegou a ter a máis dun cento de usuarios contaxiados.

Segundo os datos facilitados pola Consellería de Sanidade, trátase dun home duns 90 anos, que estaba ingresado no HULA e que presentaba patoloxías. Este mesmo martes tívose coñecemento doutro case vinculado con residencias, nesta ocasión en Orpea Coruña, en Culleredo (A Coruña), en concreto unha muller de 80 anos.

As mortes con COVID-19 foron subindo nas últimas semanas, co aumento dos gromos e os contaxios en Galicia. Desde a ‘nova normalidade’ notificáronse un total de 45 decesos, o primeiro deles, o dunha muller o pasado 7 de agosto en Ourense. Antes diso, Galicia encadeara case dous meses –desde o 10 de xuño– sen falecementos.

DEIXAR UN COMENTARIO

Please enter your comment!
Please enter your name here