O Concello de Monforte vén de abrir o prazo de inscrición na Escola Municipal de Danza. A inscrición pode facerse na Secretaría do Edificio Multiusos e través da sede electrónica do Concello, neste enlace.
Dende o Concello infórmase que os/as alumnos/as terán que cumprir estritamente as normas do protocolo de adaptación ao contexto da Covid-19 indicadas na circular informativa, que se lles entregará no momento da inscrición.
Especialidades ofertadas:
- Danza tradicional galega (a partir de 5 anos)
- Danza contemporánea / moderna (a partir de 9 anos)
- Ballet clásico (a partir de 5 anos)
As clases de danza ofertadas contarán cunha didáctica máis académica centrada nas técnicas do desenvolvemento da estabilidade, a rotación, a liña, a expresión…, atendendo ós principios básicos imprescindibles para unha correcta aprendizaxe.
Do mesmo xeito, levarase a cabo unha orientación, si é o caso, cara un ensino de carácter profesional cando as aptitudes e a vocación do alumno/a así o aconsellen.
Formaranse así grupos colectivos por niveis e idade nas 3 modalidades de danza. Dende o Concello de Monforte inténtase desta forma consolidar, con todas estas especialidades, unha oferta ampla e variada.
