Ao carecer de contacto coa xerencia en Monforte, a Xunta de Persoal asegura que vén solicitando desde fai 3 meses unha reunión coa xerencia da eoxi de Lugo, coa intención de poderlle presentar os problemas que se dan no centro, “problemas tanto dos traballadores como dos pacientes que acuden ao hospital, algo tan importante e fundamental para un bo funcionamento de calquera hospital,” sianalan.
A pesar das varias solicitudes de reunión feitas á Xerencia da Eoxi de Lugo, a Xunta de Persoal asegura que non reciben resposta o que califican de “unha desconsideración cara a xunta de persoal dun hospital comarcal coma é o de Monforte.”
A Xunta de Persoal do Hospital Público de Monforte reivindica que se dé solución a unha situación que baixo o seu criterio é insostible e de trato discriminatorio cara este centro hospitalario.