IniciosociedadeServizo de madrugadores para a infancia do Incio

Servizo de madrugadores para a infancia do Incio

Os pais e nais poden mandar aos nenos entre as 08:00 e ás 10:00 da mañá, antes de dar comezo as clases. A medida pretende axudar á conciliación persoal, familiar e laboral

Publicado o

POR
Redacción
- Advertisement -

O Concello do Incio oferta este curso escolar 2020-2021 un servizo de madrugadores para os nenos e nenas escolarizados no CEIP Ricardo Gasset. Trátase dunha proposta pensada para as familias que precisan deixar aos seus fillos cedo, antes do inicio da xornada lectiva.

A iniciativa pretende contribuír na conciliación da vida persoal, familiar e laboral axudando aos pais e nais dos alumnos. O servizo, de carácter gratuíto, comeza ás 08:00 da mañá e esténdese ata as 10:00 horas, momento no que comezan as clases. Durante estas dúas horas os nenos e nenas están acompañados dunha coidadora que se ocupa de vixialos.

O servizo préstase no salón de actos do centro, o que permite manter as distancias dos tres grupos burbulla que establecen as medidas anticovid. Na sala teñen diversos xogos e material para poder entreterse.

O Goberno local anima aos pais e nais a interesarse polo servizo de madrugadores a través do Concello ou no propio CEIP Ricardo Gasset.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...